Vestlandsindeksen og detaljhandel på Stord i fokus 26.februar
Det var Vestlandsindeksen som var hovudfokus då Stord Næringsråd inviterte til fruostmøte på Stord Hotell 26.februar saman med hovudsamarbeidspartnar Sparebanken Vest.
Avdelingsdirektør NAV Sunnhordland, Astrid Østerlid presenterte sysselsettingstal som syner at tida med permitteringar er over, og at det er stor etterspørsel etter fagarbeidarar og ingeniørar i næringslivet. Østerlid inviterte næringslivet til å ta kontakt for tettare samarbeid, og for å sjå på moglegheitene for å ta i bruk den arbeidskrafta som er tilgjengeleg. Heile presentasjonen til Østerlid finn du her.
Avslutningsvis på frukostmøte var det senterleiar Terje Børtveit, Heiane Storsenter og Hans Martin Haavik, Amfi Stord senter som presenterte detaljhandel og utviklinga frå 2008. Tala syner et handelsoverskot på Stord samanlikna med snittal for landet, og at Stord er regionsenter for handel i Sunnhordland. Senterleiarane peika også på detaljhandelen sin betydning for den totale sysselsetjinga på Stord, som syner at heile 9,4% av arbeidsstyrken jobbar innafor detaljhandel. Du finn presentasjonen til senterleiarane her.
