Næringsprisen 2014 vart delt ut på Stord Næringsråd sin årsfest 29.oktober.
I hard konkurranse med Apply Leirvik og Fylkesnes bil var det Kværner Stord som stod igjen som vinnar av Næringsprisen 2014.
Kværner Stord vann Næringsprisen 2014
Næringsprisen 2014 er et samarbeid mellom Stord Næringsråd og Sparebanken Vest. Næringsprisen skal bidra til å skapa merksemd rundt næringslivet, og gje honnør til dyktige næringslivsaktørar.
I kriteria for prisen heiter det:
” Prisen skal gå til ei verksemd som har utmerkt seg anten gjennom innovasjon, kreativitet eller gode resultat. Verksemda som får prisen må vera medlem i Stord Næringsråd”.
Kværner Stord ved Steinar Røgenes vart tildelt prisen med følgjande grunngjeving:
Kværner Stord er ein aktør i næringslivet på Stord av spesielt stor betyding. Ja, for heile regionen er dette ei verksemd som har betyding for sysselsetting, verdiskaping og kompetanseutvikling.
Kværner Stord gjekk inn i 2014 med rekordstore ordrereservar, samstundes som det var investert i store nye verkty for å møta konkurransen om nye oppdrag.
Kværner Stord er klar på at framtida skal møtast med å verta meir konkurransedyktig, men like tydeleg er bodskapen om at det er nytilsette lærlingar som er verksemda si framtidige kompetanse.
----------------
Det var produksjonsleiar Nils Askeland og kommunikasjonssjef Odd Naustdal som tok imot prisen på vegner av Kværner Stord.
Stord Næringsråd gratulerer Kværner Stord med Næringsprisen 2014!
