Vinnaren av Næringsprisen 2023

Ottesen las opp fleire hint og grunngjevingar, og etterkvart vart det klart at Næringsprisen 2023 gjekk til Breeze Ship Design.

I grunngjevinga frå juryen heiter det:

• Breeze Ship Design vart etablert av lokale krefter som tok tak då strategien til store konsern ville det annleis. 
• Verksemda er tru mot eigen idé og filosofi. Dei leverer skreddarsydde design basert på ei analytisk tilnærming til kva behov kunden har. 
• Breeze Ship Design er opptatt av grøne og berekraftige løysingar for designa sine og samarbeider med andre aktørar for å få nullutslepp i skipsfarten. 
• Vinnaren kombinerer moderne og effektiv design, med den gode arven skipsdesign har i Sunnhordland på ein framifrå måte. 

Reinert Nordtveit, COO i Breeze Ship Design, tok imot prisen på vegne av verksemda. I takketalen la han vekt på at selskapet byggjer på gode tradisjonar og godt samarbeid mellom ulike aktørar på Stord og i Sunnhordland.
 

Næringsprisen er eit samarbeid mellom Stord Næringsråd og Sparebanken Vest. Næringsprisen skal bidra til å skapa merksemd rundt næringslivet, og gje honnør til dyktige næringslivsaktørar. 

Her er kan de lese meir om kva media skriv om prisen:
Sunnhordland om finalistane
Sunnhordland om vinnaren
Stord 24 om finalistane
Stord 24 om vinnaren