Opning Stord vgs

19.09.2025 | Tekst: Torbjørn Brosvik

Skulen er alt tatt i bruk av elevar og lærarar, men no er den offisielt opna. Fylkesordførar og rektor stråla om kapp i bunad og ei stolt eigedomsavdeling i Vestland fylke overleverte den symbolske nøkkelen til leiinga ved Stord vidaregåande skule.

Alt frå ein svingar opp den nye armen i rundkøyringa på Vabakkjen skjønar ein at her har det skjedd ein transformasjon. Dei gamle verkstadhallane som var fulle av asbest er no historie og eit flott og lyst nybygg ruvar ved innkøyringa til Leirvik.

Fylkesordførar Jon Askeland fekk overlevert bygget frå eigedomsavdelinga i Vestland fylke og ga nøkkelen vidare til rektor Ellen Strandenes som lova å fylle bygget med læring og aktivitet.

Auditoriet i den nye yrkesskulen var fylt heilt opp med imponerte gjester og bidragsytarar. Elevar bidrog med songinnslag og det vart ei verdig opning med klipping av elektrorør, som seg hør og bør.

Ambisjonen til Vestland fylke er å samle heile Stord vgs på same stad. Fylkesordførar Askeland viste til at det no berre er 1. byggetrinn som er fullført. Det er klargjort for byggetrinn 2, som då vil gjere plass til klassane på studieførebuande. Når dette er fullført vil alle elevane flyttast over frå Saghaugen, og Stord vgs vere komplett.

SNR gratulerer med ein fantastisk flott skulebygg så langt, og heiar på vidare framdrift til byggetrinn 2.

Kompetanse og utdanning

Opning Stord vgs

LES FLEIRE NYHENDE

Ny medlem - Signatur Management

Newtonrommet på Nysæter er opna