Liv Kari Eskeland er ny styreleiar i Stord Næringsråd
- Vi har ønska å engasjere fleire medlemmer i årsmøta, og når vi no får over 40 oppmøtte er vi veldig godt nøgde, seier Torbjørn Brosvik, dagleg leiar i SNR.
Først ut på programmet var framlegging av rapporten Initiativ Vest har laga om korleis samferdsleløftet rundt Intercity og Ferjefri E39 har blitt halde av ulike ministrar og regjeringar. Konklusjonen er kort sagt at Vestlandet kjem dårleg ut. Dette er eit godt stykke arbeid som bør brukast for å løfte fram skeivhet i tildeling av midlar.
Avtroppande styreleiar Odd Naustdal orienterte om strategiarbeidet som har vore i SNR og om dei fire kjerneområda det vil bli jobba med vidare: Rammevilkår, Attraktivitet, Infrastruktur og Samarbeid.
Når vi kom til val av nytt styre, var det klart at Oddvard Hårde i Zpirit og Nina Langeland i Galleri Giga takkar for seg. Begge har vore aktive i styret i 6 år og SNR er veldig glade for dei bidraga og innsatsen dei har lagt ned.
Det nye styret i SNR er no:
Liv Kari Eskeland, Paladio - Styreleiar
Reinert Horneland, Valvatne Bygg
Sigurd Sandvold, HVL
Randi Beate Hovland, SKU
Elisabeth Nonås Fylkesnes, Bypass, U37
Odd Naustdal, Aker Solutions
Janne Ertresvåg, Leirvik
Varamedlemmer:
Are Holsvik, Sparebanken Norge
Christian Myklebust, DNB
Odd Naustdal går av som styreleiar i SNR, men heldt fram i styret ut valperioden. Liv Kari Eskeland er valt inn som ny styreleiar og vil i tillegg ha ein 40% stilling som arbeidande styreleiar med oppstart 1. april.
Stord Næringsråd vil frå 1. august vere samlokalisert med Atheno, Region Sunnhordland og Stord kommunale utviklingsselskap på Verket på Vabakkjen. Dette som ein del av strategien om eit tettare samarbeid med andre aktørar.
Informasjon
