Finalistane til Næringsprisen 2026
Bakeriet Frugård AS
Bakeriet Frugård har halde stand i Borggata i gode og dårlege tider, og har gjennom mange år drive godt i ein bransje der konkurrentar kjem og går. Verksemda har samstundes satsa målretta på kulturliv og arrangement, mellom anna med eigen bookingansvarleg, og er ein viktig møteplass i sentrum. For mange unge har Bakeriet Frugård vore ein god første arbeidsplass og ein arena for å få verdifull arbeidserfaring. Denne kombinasjonen av langsiktig drift, lokal forankring, kulturengasjement og ansvar for unge arbeidstakarar gjer Bakeriet Frugård til ein verdig finalist til Næringsprisen 2026.
Engelsen Anlegg AS
Engelsen Anlegg utfører grunnarbeid, transport og anleggstenester for både private og profesjonelle kundar. Verksemda er godkjend lærebedrift og tek ansvar for å utvikle nye fagarbeidarar, samstundes som miljøfyrtårnsertifiseringa viser ei tydeleg satsing på berekraftig drift. I ein krevjande marknad har selskapet gjennomført ein sterk snuoperasjon og betra lønsemda. Kombinasjonen av fagleg kvalitet, samfunnsansvar og god omstillingsevne gjer Engelsen Anlegg til ein verdig finalist til Næringsprisen 2026.
Sunnhordland Bil AS
Gjennom snart 30 år har Sunnhordland Bil levert bilar til private og næringsdrivande i heile regionen. Verksemda møter kundane med eit smil og legg vekt på å finna den rette bilen saman med kvar enkelt kunde. Solid drift over lang tid i ein konkurranseutsett marknad viser både kvalitet, tillit og god forretningsforståing. Dette gjer Sunnhordland Bil til ein verdig finalist til Næringsprisen 2026.
Næringsprisen vert delt ut på Årsfesten til Stord Næringsråd 6. november
Informasjon
